上周才公佈電能（006）會分拆港燈以信託形式上市，轉頭又傳出和黃（013）計劃分拆佔其資產最大嚿的屈臣氏集團（AS Watson）上市，動作多到令海迪有點吃不消。屈臣氏同百佳唔同，百佳業務主要集中在香港，對和黃來講規模好細，始終都只係雞肋。
但港燈和屈臣氏的分拆，意義就大得多，尤其是屈臣氏，業務非常龐雜，又有個人護理用品、化妝品，酒、免稅店，足迹遍及33個市場，近幾年更是和黃增長亮點。
和黃今年來多個大舉動，似乎都在傳遞一個訊息：套現，Cash is King。呢個勢頭唔止單單看淡中、港咁簡單，直頭有點「地球好危險」，快啲趁高位閃人避難咁款。以電能為例，過去幾年它和長建（1038）全靠極低息環境，造就有平錢去歐洲shopping，買入穩定回報資產谷ROE。但呢個故事，隨着美國加息預期返黎，已宣告玩完。在個yield（股息率）已經唧無可唧的情況下，高位分拆，套現揸cash減債，保守啲、睇定啲，似乎是集團新路線。屈臣氏儘管仍有增長，但它在和黃內隱含的估值得10多倍，一分拆成功就trade 20、30倍，價啱就賣少少，又係套現減債的主旋律。
芬佬朋友說，和黃負債表面上雖然唔高，但內裏大量由聯營公司承擔的隱藏債務，唔知有幾多，到底退市對和黃實際有幾大影響，好難估計。但肯定的是，誠哥早前話睇唔清世界經濟，要好小心，佢係好認真的。
海迪
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange