鍾鎮濤同女友范姜噚日到澳門出席金豐集團活動，鍾鎮濤以2,800萬簽約做兩年代言人，仲獲贈200幾萬陀飛輪腕錶，噚日42歲生日嘅范姜獲大會送上蛋糕慶祝。鍾鎮濤指集團將會發展娛樂事業，頭炮係溫拿農曆年嘅演唱會，之後會投資拍電影。
范姜就話生日願望係繼續幸福，右手戴住5卡鑽戒（左圖）嘅佢話鍾鎮濤已求婚，但鍾鎮濤就否認係求婚戒指，范姜話：「咁佢送多隻畀我都好呀。」
撰文：馮仁昭
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange