自貿區雖已成立，但官方目前只公佈計劃嘅框架，連優惠稅率都冇，講吸引又講唔上。
細則未見，官方反而公佈「黑名單」，列明呢樣唔得，嗰樣唔准。阿爺態度仍保守，所謂「自由貿易」，最後分分鐘與阿爺提倡之「假普選」無異，只係掛羊頭賣狗肉。
不過，整份方案仍有較具體嘅措施，其中一樣就係允許區內註冊嘅外資企業，於內地銷售遊戲機。咁意味住遊戲機禁令終獲解除，而PS、XBox亦終可堂堂正正打入中國。
微軟亦早着先機，與內地百視通合作，開發以Xbox One為基礎嘅遊戲機，呢間合營亦成為首間進駐自貿區嘅合資企業。
至於講開呢條禁令，就要追溯到2000年。當時阿爺不知從何喚起「父母官」的良心，擔心如入口遊戲機，將影響青少年心智發展，所以下令禁售，一禁就禁足13年。
不過，道高一呎，多年來內地機迷藉水貨佬大能，仍可透過水貨機面向世界。
今次解禁對Sony、微軟以至任天堂固然係好事，但仍要小心兩個問題。一係盜版；二係假如佢哋攻華後有成績，你估內地企業唔會抄咩？最少騰訊（700）會。
Fifi
本欄逢周二、四刊出
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24