寫完Baleno轉logo謀轉運之後，意猶未盡地研究起品牌變身之路，經過一輪工夫搜證，原來幾乎間間「巨無霸」企業，如蘋果、百事、Starbucks等都經歷過logo變身，有些希望象徵公司踏入新階段，但有時只不過是marketing部門主管換咗老頂，純粹宣示主權而已，咁邊行logo最難變身？都應該係時裝嘞。
論改logo災難事件，美國服裝品牌GAP必定榜上有名，話說廿年logo都冇轉過的GAP，2010年GAP嘅管理層將原本放在深藍色方格內的「GAP」三字拉出來，原有的深藍方格縮細，輕輕俾細楷「p」字壓住，似乎希望跳出舊有框框，點知俾粉絲鬧爆，有人寸GAP係咪想做IT解決方案公司。
起初管理層未發覺出事，仲在facebook和Twitter發佈新標誌，點知成千上萬的網民洗板抗議，最終在「民怨」沸騰下跪低，logo一周後打回原形。
其實當年iPad都被譏笑過蘋果轉行賣「衞生巾」，家陣未成街「衞生巾」。GAP嗰次不但輸掉巨額設計費用，也輸掉了名聲，賣衫向來賣taste，最後象徵品味的logo都要拉倒，好鬼淒涼！
Samantha
本欄逢周一、三、五刊出
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24