雖然呢，見到狼振英，或者會眼冤，但唐唐噚日依舊執到正一正，出席特區政府嘅十一酒會。現場所見，唐唐都幾受歡迎，不時有人同佢傾偈合照，例如民建聯立法會議員嘅梁粉葛珮帆忽然嗜甜，見到唐唐即刻上前黐到實一實，反而獲「投懷送抱」嘅唐唐，收埋一貫蓮子蓉笑容，莫非唔like因時勢而出現嘅飛來蜢？
狼振英批上屆政府無所為，身為前政務司司長嘅唐唐話，留意到新政府面對唔少挑戰，政策受到四方八面唔同評價係自然現象，然後意有所指咁話，每屆政府都有不足之處，希望當權者有量度接受，持開放態度多聽意見。莫非想狼英唔好咁小器？
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24