「我喺公司做咗超過十年，由低做起升到做部門主管，都管幾百人。公司一直有畀機會我，老闆上司對我都不薄我知。我份人一向心直口快，以前年少氣盛做事衝動鹵莽，得罪人多稱呼人少，留低唔少牙齒印，不過我有痛改前非。最近上司話我講話內容出發點觀點都正確，不過語氣唔夠婉轉，令其他部門主管覺得難頂，聽完我個心仲難頂。我已經好避忌唔係好敢提意見，唔通要做鵪鶉？我真係唔敢再表態或者講嘢喇，我係唔係應該唔好做？」
有德方能真正服人
寥寥數字看得出你的確是個心直口快EQ低AQ都低的人，做事衝動，做阿頭要擔大旗，你要學的還不少。你由低做起能有今日成就，肯定你有能力有功積的確有過人之處，不過隨着職位攀升，你的胸襟眼界思維有沒有同步提升？以前人微言輕講錯說話當細路仔唔識世界，聽完就算，不會有太大計較。今時今日你貴為幾百人的上司，你是眾望所歸，你的一言一行個個金睛火眼看到實，你應該早知兼有準備，下屬以你為榜樣、老闆上司靠你打江山；有人會對你的職位虎視眈眈、對頭人等着抽秤你的機會，有甚麼稀奇？你的難受證明你確有粗疏甩漏，怨不得！應該徹底反省好好，虛心受教提升自己，記住只有德，才能真正服人。
你所講的不敢，要不是意氣話，要不就足以證明你的確還未能掌握拿揑得到為管理層應有的技巧及能力。說話個個識講，不過幾時講怎樣講對誰講講幾多的奧妙就沒有幾個人識。你自我意識太強把自我感覺凌駕在他人之上，只要你說話做事之前能夠先逆地而處，設身處地了解對方立場和代入對方角色感受，你的看法及說法，從心而發，哪有敢不敢的顧慮？
張慧敏
http://www.facebook.com/HKcareerdoctor
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24