正當馬雲堅持阿里巴巴要用合夥人制上市，打算放棄本港市場，遠赴美國上市，百度創辦人李彥宏就唔考慮咁多，一於將旅行資訊搜尋平台──去哪兒網（qunar.com）分拆到美國上市。
內地IT界第二有錢人
市傳，去哪兒網計劃喺紐約交易所上市集資9.8億元，若然成功掛牌，將會係最近兩年，喺美國上市集資最多嘅內地企業。呢個平台喺2005年創立，獲多個創投基金投資，百度就喺2011年投資咗近24億元落去哪兒網，變成大股東。
百度創辦人李彥宏在港知名度，可能唔及馬雲同騰訊（700）老闆馬化騰，但喺內地IT界就好巴閉，李彥宏過去幾年都係胡潤IT富豪榜嘅首富，今年先至被馬化騰奪去IT榜首富之位，雖然話冇咗第一，跌落第二，李彥宏身家都有460億人仔㗎。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24