日本人氣組合AKB48成員渡邊麻友，昨日趁離港前爭取最後機會與粉絲見面，於西九龍中心舉行握手會。粉絲難得見到偶像真身，紛紛犯禁博麻友記得自己，有人索抱擊掌，又有人cosplay扮聖鬥士，當中最爆是有男粉絲突然下跪示愛！
讚中菜好味
渡邊麻友前日於旺角朗豪坊出席代言的壽司店活動後，昨日早上10時許又再次出動，現身深水埗西九龍中心與粉絲見面，雖然活動時間舉行得早，但500名圍觀粉絲十分神心，更加早到場霸位，企滿商場三層樓。身穿AKB制服的麻友在粉絲大叫名字之下出場，她甜笑地向四周揮手，當聽見大會播出AKB的新歌《戀愛幸運曲奇》，她即刻跳番幾下又飛吻，表現風騷。
麻友用廣東話說：「早晨！大家好，我係渡邊麻友。」她透露前晚吃了中菜，覺得很好味，被問到她兩年前曾到台灣出席AKB專門店開幕，而今次首度來港，覺得港台兩地的粉絲有沒有不同時，麻友說：「沒有太大分別，大家都很熱情歡迎我，我很愛大家！」
見星矢驚喜
大會臨時加碼將握手名額增加到600個，現場未見有消毒搓手液，而不少粉絲為了博麻友注意都cosplay上陣，有人扮老翻AKB跟麻友一齊做twins，亦有人穿白袍扮麻友喜歡的動漫人物。有男粉絲出位到變身聖鬥士星矢，麻友見到即刻O嘴指着他，亦有粉絲趁機跟麻友抱抱、擊掌和合照，引來台下勁噓，大會隨即重申是次活動為握手會，不准抱抱等行為，但粉絲懶理照舊犯禁。
有熱情男粉絲向麻友送完禮物後，被保安請離開也不願走，更突然跪低，用日文向麻友示愛：「我愛你！」而活動期間，有人從樓上淋水，幸好受影響的範圍不大。麻友雖然握手握到手軟，但結束活動時仍保持甜笑用廣東話說「多謝」，而粉絲則瘋狂搶奪大會拋出的麻友海報。
採訪、攝影：梁婉霞、陳志嵐
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24