今年7.1因外遊缺席升旗禮同回歸酒會嘅煲呔，噚日終於同太太留守香港，睇完升旗再去酒會，同場內嘉賓有講有笑，其中同「幫港出聲」嘅周融好好傾。周融事後講番，佢幾日前喺馬會撞到個類似煲呔嘅人，咪問吓係咪真係佢囉，然後又吹一輪水，但吹水內容不涉政改同佔中。
台下周圍飛，台上卻冇乜人理。八方見到狼振英喺台上，同企喺佢隔籬嘅馬道立祝酒後，隔狼英一個身位嘅煲呔，準備向狼英舉杯時，竟然被當透明，狼英轉身先同另一邊嘅董建華同中聯辦主任張曉明碰杯，先再去hea應酬煲呔。就連駐軍代表都唔太騷煲呔，祝完酒快閃去其他人身邊。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24