爭取港獨嘅「香港人優先」噚日帶埋屎形蛋糕、玩具死人頭去中聯辦，喺國慶日幫中共「做忌」，最抵死係連埋個鐘統統扔晒入大閘入面；生日流流玩送終，實行激死阿爺！揮動港英旗都不特止呀，佢哋仲播住英國國歌，一把火燒咗塊仿製中國國旗，五粒星用共、偷、呃、拐、騙五粒字代替。
其實佢哋去中聯辦前，已經帶住港英旗去咗英國駐港領事館，支持「祖國」介入幫香港爭取普選。領軍嘅招顯聰話，港人唔會妥協幫阿爺慶生，咪再借煙花匯演宣示主權，侮辱香港人。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange