有關港交所（388）嘅話題，阿里巴巴最近肯定搶晒倫敦金屬交易所（LME）嘅風頭，其實LME近排遇到嘅麻煩都唔少，包括惹上官非、交易系統停機，新任行政總裁（CEO）Garry Jones（圖）本周一正式返工，考牌作未必同呢啲嘢有關，而係要解決LME成日俾人投訴嘅死症──送貨慢。
剛完成改進諮詢
港交所重金禮聘嘅Garry Jones 9月30號返工，撞啱同一日LME完成物流系統嘅改進諮詢。
LME近年間唔中俾人話佢個倉儲物流系統好慢，搞到好多客仔好遲先收到貨，相信Garry Jones都要的起心肝，優化物流程序。
除咗物流倉儲，LME近排嘅麻煩事認真唔少，喺美國幾個州都有集體訴訟，控告佢哋操控鋁價，上星期公司個電子交易系統又Down機三粒鐘，俾一班交易員鬧爆，睇怕LME行政總裁呢個位唔慌易做，祝君好運。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24