近日個市升升跌跌，來來回回，悶到Pro J都發慌。不過大家放心，Pro J繼續勤做功課，努力報答大家的支持。
TCL通訊（2618）係Pro J一直監察同追蹤嘅股份之一，全因呢幾年TCL班管理層，運用過唔同方法為企業創造不同價值，最後股價自然可以交出靚仔嘅成績表啦。
智能電話係Pro J一個好喜歡同好有深刻研究嘅題目。以往Apple同三星智能手機喺技術工藝上，同其他對手之間存在明顯嘅資訊科技缺口（Technology Gap），不過之後缺口已經收窄，二三線對手就能夠乘勢而上，在享有優質資訊科技的同時，可以用較低成本生產，從而為呢個中檔智能手機市場創造新嘅遊戲規則。
同時亦再一次證明，資訊科技行業底下，邊個冧掂消費者，邊個就能夠創造更優質嘅價值，亦都係小米手機成功嘅關鍵要素，收到未？
由特色電話（Featured Phone）慢慢轉型到智能電話（Smart Phone），功能同外觀隨着經驗嘅累積一步一步咁成長。好嘅產品冇好嘅營銷戰略都係唔掂，你只要有睇過《鐵甲奇俠》，見到TCL部電話，就可以知道佢哋玩植入式廣告係幾咁犀利；再加上規模做大咗，成本控制就可以進一步優化，對往後嘅毛利率有明顯嘅幫助。
管理層曲線睇好前景
從技術分析嚟睇，大型困獸位係3至4元之間，企穩4.5元之後衝上回落又死唔斷氣，見到CFO再喺媒體蒲頭，公司唔得通常管理層會收埋自己，逆向思維，即係公司對手機業務明顯信心大增。各位老死，繼續追蹤，出發！
徐燦傑
中國銀河國際財富管理主管
本欄逢周三刊出
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24