【赤鱲角】李蕙敏將會喺英國時間本月6日，喺當地同拍拖3年嘅英籍男友Serg結婚，前晚佢現身赤鱲角機場單拖飛去英國待嫁。雖然老公唔喺身邊，不過有fans送行都好開心。李蕙敏手上戴住嘅鑽戒好搶眼，問到點解老公唔一齊飛？李蕙敏話：「佢去咗西班牙出席朋友搞嘅單身party，之後先飛英國。」李蕙敏準備咗三套禮服，其中婚紗更加由佢設計。問到待嫁心情？佢話：「OK，唔緊張好舒服，不過未慣叫老公。」結完婚佢哋未有時間度蜜月，但希望一年內可以補番，至於生BB就隨緣喇。
採訪、攝影：魯萍
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24