全國政協委員張華峰噚日現身經民聯新西支部辦事處開張典禮時，上身好企理，同其他一眾男嘉賓一樣，着到西裝骨骨配經民聯專用藍呔，之不過再望落啲，佢一反傳統唔着皮鞋，反而襯對休閒鞋。劉德華着或者好型，但喺肥佬張身上有咁嘅配搭，卻係有啲怪，唔通佢想學人玩mix and match但失咗手﹖肥佬張笑言，皆因對皮鞋爛咗要拎去補喎。
皮鞋着到爛都拎去補而唔買對新，肥佬張搞乜嘢咁慳家？原來佢話着鞋最緊要舒服，據知自從着咗嗰對皮鞋之後，做事「好順利」，名副其實「好腳頭」，所以咪唔捨得掉囉，一直都係以呢對「老黎」皮鞋走天涯。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24