解放軍打算喺中環海濱建軍事碼頭，引起民間好大迴響，城規會今年5月收到近萬份意見書，99.85%都話反對。民意咁清晰，狼班子惟有做啲小動作，交過意見書嘅市民，噚日陸續收到城規會通知，獲邀11月4號同5號出席城規會會議申述意見，但有心水清市民就發現，城規會秘書處要佢哋下星期一就回覆嚟定唔嚟。
收到通知嘅環保觸覺發言人譚凱邦就話，過往呢類邀請公眾出席申述意見嘅會議，通知人之後最少畀兩星期時間回覆，今次無端端縮短到一星期，質疑係咪想少啲人去？據知城規會今次安排一星期內回覆，因為個會議分兩日搞，所以想早啲收齊回覆作出安排喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange