「逝去感情如何留得住……」近年唔少糾紛都透過調解平息，好以租務、大廈管理等，估唔到男女掟煲都要搵調解員幫手。非牟利嘅香港和解中心會長陳萬成同八方講，唔少情侶手已分，但留下手尾要跟，好似共同資產、合作嘅生意咁。佢話呢類個案都幾難搞，因為牽涉到個人感情，唔係三言兩語就拆得掂，始終感情還感情，數目要分明。《調解條例》今年1月實施，雙方坐低傾得掂，點都好過對簿公堂。副會長羅偉雄記得有單爭產案，一家人幾乎鬧上法庭，搞到年邁嘅阿媽好唔安樂，好彩最後傾掂數。和解中心去年3月開始，為金額唔超過100萬元嘅個案，義務提供4小時社區調解服務。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24