一向脾氣都好好嘅融樂會總幹事王惠芬，日前卻公開大發雷霆，點名批評教育局常任秘書長謝凌潔貞歧視少數族裔，忽略少數族裔學生學習中文困難。嘩，謝凌因乜嘢事激㷫王惠芬呀？八方聽聞，因為謝凌一直唔肯見王惠芬傾嘢，令人哋覺得佢冇誠意喎。
謝凌噚日「呼冤」，話從來都冇講過任何歧視言論，又話少數族裔學習政策，係局方整體制訂，並非任何一人說了算，總之教育局過往都推行好多政策幫學生學中文啦。謝凌拒評王惠芬，點解有此睇法；至於兩年嚟唔肯同對方會面，謝凌解釋因為公務繁忙，未能同所有利益相關團體見面箒，希望體諒。唔知王惠芬肯唔肯接受呢個解釋？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange