（樂）羅馬繼續喺意甲獨領風騷，喺周日聯賽夜場主場5:0大炒博洛尼亞，延續今季全勝佳績，開季之後6連勝坐榜首。羅馬喺今季人腳變動唔少，包括由阿仙奴收購謝雲奴（中），同新帥魯迪加西亞重逢。謝雲奴喺兵工廠一直俾人笑唔識入波，佢就反擊話係雲格唔識用佢，擺錯佢喺翼鋒位置；似乎佢又真係冇講錯，喺博洛尼亞身上連入兩球之後近兩場聯賽有3球進賬，有番佢喺里爾高入球產量嘅水準。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange