【灣仔】黃曉明早幾日榮升金雞影帝，前日佢已經急不及待嚟到香港，一面拍爾冬陞監製嘅新戲《暴風雨》，另一方面係探女友楊穎（Angelababy），不過Baby噚日喺微博話自己喺巴黎又病咗，瘦無可瘦要積極增肥。
前晚曉明就去到灣仔一間餐廳開工，到埗之後工作人員好緊張咁保護呢位新晉影帝，唔畀現場等候嘅傳媒影到佢相。凌晨時分，戲中演員薛凱琪（Fiona）亦到達，工作人員直情用把遮擋喺佢前面，搞到薛凱琪連路都睇唔到，最後要佢出聲位工作人員至死死地氣擔起把遮。
採訪、攝影：李志明、畢紹基
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！