（喜）拜仁慕尼黑雖然要喺星期三嘅歐聯大戰曼城，但喺星期日，班職球員都有出席慕尼黑啤酒節鬆一鬆，而且佢哋個個都着晒傳統德國服飾兼多數攜眷，以示尊重，連世界飛人保特都有出席，但一向貪玩嘅佢，就冇前拜仁中場艾芬保咁激，同另一半表演濕吻！不過，令人奇怪嘅係拜仁中場「小豬」舒韋恩史迪加就冇出現，反而佢名模女友莎拉則單拖到場，唔通佢哋有啲嘢？
有料放？想收料？入嚟【蘋果互動】啦！【蘋果互動】是蘋果日報與讀者緊密互動、放料及收料的聚腳地。 http://fb.com/AppleDailyExchange
