現年42歲嘅商台DJ阮小儀前年同出版社CEO黃志暉分手後，dry咗三年嘅佢日前被撞破同舞台劇演員陳康喺中環撐枱腳，小儀不時用手遮面，表現避忌似怕俾人贒到，其實小儀同陳康合作過幾次舞台劇，喺《賤泥積木》仲有場激咀戲，兩人埋身肉搏又錫又摷，咀到啜啜聲㖭。
「佢好冧到女」
噚日馮仁昭打畀小儀，恭喜佢咀出愛火花，但佢就唔認拍拖：「我哋識咗好多年，如果係就幾年前已經係，嗰晚因為佢9月生日食飯咋，講真如果我係佢女朋友，就正日食啦。」點解唔約埋其他舞台劇演員，令人懷疑喎？小儀話：「今次冇箒，我哋冇發展機會啦，佢好多女朋友㗎，唔好睇佢個樣其貌不揚，好冧到女㗎。」
兩個撐枱腳唔怕陳康女友誤會？小儀話：「佢啲女朋友好大方，應該唔止一個，但我冇特別見過，佢唔係好公開私人關係。」小儀強調陳康冇追佢，大家唔係大家杯茶，冇擦出愛火花，問佢怕唔怕做盛女？小儀話：「呢個名稱大家畀我，唔可以㩒住大家把口，我唔係冇仔陪食飯，無奈佢做咗替死鬼，今次得啖笑。」
撰文：馮仁昭
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24