【特稿】
病人服用抗生素是令抗萬古霉素腸道鏈球菌（VRE）在腸道植根的主要原因。香港大學微生物學系講座教授袁國勇指人的腸道內很多細菌，每克大便有1,000億粒正常細菌；但服用抗生素後會令正常細菌減少，腸道內的VRE便會霸佔地盤繁殖；當患者停服抗生素，VRE數量便可減少。
袁國勇稱，健康人士即使腸道帶有少量VRE，該菌也不會在腸內植根，但當病人服用抗生素，會令正常細菌數量大減，「地盤空咗出嚟，VRE又有抗藥性，唔會俾抗生素殺到，就喺腸道植根，於是會放出嚟（透過排泄物釋放出來）」。
停服後數量減少
當病人停服抗生素，正常細菌會增加，VRE數量會減少，化驗大便時不會發現VRE；但病人再服用抗生素，「正常細菌又低咗，剩番少少嘅VRE又會生番多，又走出嚟」。
袁指文獻上未有可令VRE帶菌者徹底清除該菌的方法，但該系已有辦法，將需換肝病人腸內的VRE數量減至最少，減低病人病發機會。衞生防護中心總監梁挺雄則指，若帶菌者持續一個多月沒服用抗生素或沒患其他疾病，有機會排清VRE，不再傳染其他人。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange