「天兔」威力不似預期，事前預計天兔或釀巨災嘅天文台，係咪估計錯誤呢？天文台高級科學主任莫慶炎日前就喺天文台網誌撰文，話畀大家聽：唔係！
呢篇網誌以〈歷史差一點重演〉為題，話從電腦計算嘅風暴潮模擬結果顯示，假若天兔喺接近香港時，以偏南約100公里的路徑移動，佢引致嘅風暴潮又配合天文大潮出現嘅時間，喺鰂魚涌就有可能出現約1.7米嘅風暴潮，再加上2.2米天文大潮，造成嘅海水高度會接近成4米高，同1962年襲港嘅「溫黛」幾乎有得揮。
莫慶炎強調，如果天兔以更偏南路徑移動，模擬嘅風暴潮會更大，佢話呀：「差一點便歷史重演了！我們真夠運，香港確是福地！」有網民講公道話，強調唔會埋怨天文台唔準，只會慶幸個風冇嚟到。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24