醫管局老臣子、新界東醫院聯網總監馮康，本月中開始退休前休假。馮康喺醫管局身經百戰，經歷過早年威爾斯醫院換肝中心，被合併到瑪麗醫院；沙士時更加中招，好彩大步檻過。可惜臨退休前捲入中文大學心臟科專家余卓文被封刀事件，肯定有排煩。
馮康噚日最後一次主持新界東聯網周年計劃記者會，之後有個簡單歡送會，威院同事同記者送上一幅畫咗佢拉二胡嘅漫畫。雖然馮康收到禮物同切蛋糕時都笑容滿面，但一向同記者談笑風生嘅佢，噚日較少講嘢；一問到余卓文單嘢，佢堅持一句都唔講。馮康話退休後會先放假去旅行，遲啲開始練馬拉松。據悉馮康稍後有機會擔任中大新私家醫院院長。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange