【本報訊】在全球鬧糧食荒下，港人每天棄掉廚餘達接近4,000公噸，相等於一個奧林匹克標準泳池，或塞爆277架雙層巴士，數字驚人，幾乎逼爆堆填區，但有跨國飲食集團卻極度浪費，每日大量傾倒食物！有專營外賣壽司的台灣爭鮮壽司店，以「3蚊一件」招徠客人，《蘋果》直擊發現，該集團有分店關門後將大量魚生、壽司扔掉，倒入垃圾桶前更狂噴玻璃水，被指勁浪費。有處理剩食的組織批評，爭鮮做法「太浪費」，建議「唔整咁多，咪唔使扔咁多！」
記者：關震海 黃學潤 梁煥敏
以平價外賣壽司殺入香港的爭鮮壽司店，在本港有超過30間分店，近日有大埔街坊向本報表示，外賣店每晚10時半關門後，即將大量壽司傾倒：「佢哋唔減價促銷就丟晒，好浪費，其實夜晚唔使整咁多。」她更目擊該店員工噴上大量玻璃水，以免有人執來食。
大埔分店 一晚掉50盒
記者上周起連日到大埔超級城地舖爭鮮壽司外賣店觀察，發現晚上9時壽司櫃仍爆滿，放了數十盒大大小小的盒裝魚生、壽司，每盒由20多元至40元不等，包括三文魚、鮮蝦、吞拿魚及小泡芙等，但街坊只對「3蚊一件」壽司有興趣。
「餐盒減價5蚊，𠵱家開始減5蚊！」至距離關門尚有20多分鐘，店長才開始宣佈「減價」，但歷時僅10分鐘，盒裝壽司始終無人問津，職員便迅速搬出膠箱準備「清場」，然後職員和店長排排企揀自己喜愛的壽司，但他們大多只吃壽司上的魚生，飯糰就扔。縱使職員鯨吞一輪，拚命清了數盒，惟壽司櫃仍是爆滿。關門後15分鐘，職員已拿起玻璃水打開壽司盒狂噴，然後掉進大垃圾袋，再落力加噴數次才封袋。記者現場數算，單是一晚，該店已至少棄掉50盒盒裝壽司，分別裝滿三個大垃圾袋。
噴玻璃水 杜絕拾荒客
由於該外賣店是全開放形式，整個扔壽司過程就在門口進行，不少街坊途經均對此浪費之舉為之側目。
記者追蹤發現，職員將垃圾放入垃圾袋後，會掉到該商場一樓後樓梯，放入兩個寫上「爭鮮」大型垃圾桶內，爭鮮亦在該層商場開設一間堂食的壽司店。記者打開垃圾袋，發現被噴了玻璃水的壽司沒有特別氣味，若有人執來食，後果可大可小。
記者日前到該大埔分店查詢，職員強調每天剩餘壽司僅一袋左右，又指公司為減少剩食，每晚9時停止製造壽司。職員又解釋向壽司噴玻璃水：「呢個係上頭命令，驚佢哋（拾荒者）執咗，如果食咗唔舒服就會投訴我哋，間間舖都係咁。」
雖然有職員指「噴玻璃水」是按公司指示，但記者到油麻地、牛頭角和粉嶺分店觀察，該三店銷量較好，棄掉的壽司僅十多盒，均無噴玻璃水。記者致電爭鮮台灣總公司了解港台壽司店每天剩食數量及處理情況，該公司傳訊部只稱：「香港及台灣不能回收壽司及魚生的剩食。」
食客點睇
【應該促銷】
馮小姐 中五學生
我冇見過（掉壽司），係浪費食物，應該促銷等多啲人食到。
【畀人好過】
Tiffany 中五學生
有見過掉壽司，其實好嘥，可以畀有需要嘅人或者唔好整咁多。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24