呢個暑假，香港政圈最紅嘅人物，非美國駐港總領事夏千福（Clifford Hart）莫屬，時時見人兼周圍去嘅佢，一舉一動都好受市民以至北京關注。原來有人都步緊夏千福後塵，約見政界中人傾吓偈，佢就係新任以色列駐港總領事Sagi Karni嘞。
話說現年46歲嘅Sagi Karni，8月中先至嚟港履新；雖然唔似夏千福咁高調，但都開始見政界中人咯，上星期佢就親臨行會成員兼新民黨主席葉劉位於灣仔嘅辦事處會面。據知兩人除咗談及香港社會發展，亦交換咗科技創新嘅意見，葉劉仲大讚以色列以低成本研發嘅海水化淡系統好好㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange