（怒）我求大俠收到風，費蘭度托利斯（左）搞維頓漢（右）塊臉呢吓動作將會被秋後算賬，有機會加埋停賽4場。周日英超，車路士踢和熱刺1:1入面，費托兩黃一紅被逐，但球證甸恩賽後睇帶發現，原來費托仲有吓捽維頓漢塊面。英國傳媒指，甸恩會將事件上報英足總，交由紀律小組決定，有機追罰費托停賽3場，加埋拎紅牌要停1場，所以費托加埋最多停4場，隨時錯過晒10月嘅英超，包括主場對曼城嘅大戰。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange