一向認為網誌唔係宣傳政府政策或試水溫嘅地方，財爺鬍鬚曾應該比較明白呢個道理，佢每個星期日發表嘅網誌內容，通常係將自己嘅故事同佢喺政府做緊乜結合，增加可讀性，噚日佢就由自小常蒲九龍城，講到啟德新郵輪碼頭嘅發展。
財爺話，細個讀喇沙嘅時候，經常流連九龍城，當時啟德機場新跑道剛建成，侯王道同衙前圍道一帶食店林立，佢跟同學仔就經常幫襯一間叫Howard's Bakery嘅餅店，最鍾意呢間舖出品嘅Pound Cake，名副其實用一磅牛油焗製，肥到不得了。
講完舊時，當然要講將來，佢認為新啟德郵輪碼頭發展得好，話唔定，日後市民同旅客可以喺呢度個天台花園舉行婚禮，以維港為背景，喺斜陽夕照下跟另一半訂下愛的盟約，然後登上郵輪展開蜜月之旅。哇，財爺平時係咪真係咁浪漫？
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24