【生命彩虹】
一宗無情的車禍，令司徒志強Bobby（50歲）從此失去雙腿，下半生需與輪椅「為伴」。從前擔任飛車特技員的他跌倒過、迷惘過，如今一洗頹氣，搖身一變成為服務大眾的輪椅技工，四出為殘障人士解困，他堅守生命的信念：「傷殘人士都只係普通人，唔需要介意人點睇，喺人哋眼底下生活。」
記者：陳潔儀
「做呢行（飛車特技員）最緊要膽大心細，導演叫做嘅，入火場、衝落海你都要做，不過最緊要係識計算，計劃好晒分分鐘安全過平時揸車！嗰時真係好刺激、好有成功感，做得呢行個個都好搏！」回首當年風光日子，Bobby一臉陶醉，他感激已故演員柯受良帶他入行，讓他從汽車維修業轉為半個娛樂圈人，且一做便20多年，「經典港產片《小生怕怕》 、《省港奇兵》，好多我都有份幫手！」他自豪地說。
惟2010年底，兼任中港旅遊巴司機的Bobby行駛途中因大霧失控發生車禍，他雖獲救，但永久殘障令他的人生逆轉，「醒番時我已經冇咗雙腳，醫生話因為我對腳被車頭壓住，要鋸咗（雙腳）先救到我。當時根本接受唔到！」
Bobby憶述時臉上仍帶驚懼的表情。傷後一年，他坦言：「真係有幾次試過想了結自己嘅生命。」
太太鼓勵重新振作
跨過逆境，Bobby積極尋找人生價值，除考獲的士司機駕駛牌照外，更鑽研輪椅的結構，以技師身份為弱勢社群維修輪椅，助人自助，「自己做過汽車維修，對零件有一定認識，我知道對殘疾人士嚟講，輪椅好重要，所以希望盡我所能，幫到有需要嘅人」。他無私地付出幫助受助者，更送上一股正能量，「傷殘人士雖然有肢體殘疾，但內心仍然健全，佢哋應該喺有生之年可以活得精采」。
Bobby今晚7時將於亞洲電視本港台播出的港台節目《香港故事》，分享其妻子如何成為了他的守護天使，教他重新振作。「有次一家去東莞玩，太太專登放我喺行人隧道，自己同兩個仔去第二度，我喺嗰度三個鐘，佢（太太）要我學識面對大眾目光。」
他有感太太用心良苦，開始反思往後人生，「我喺隧道走又走唔到，好多行過嘅內地人都不斷打量我，之後仲俾保安趕，叫我唔好喺度乞食，嗰一刻，我先諗，我係唔係要咁樣落去？其實我要面對最大嘅敵人，係自尊！」
社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24