天兔在中秋節期間同大家開了個玩笑，零售商惟有趁「十．一」出盡渾身解數散貨！
或許要加強其愛國情操，德永佳（321）旗下Baleno前排轉了紅底白子的新標誌，雖然業務未至於思捷（330）咁，蝕到面容扭曲，但確實需要轉運的契機。
德永佳公佈全年業績時，以極為艱辛來形容零售及分銷業務，銷售額按年下跌14.8%，因為大陸消費仍然呆滯，零售商繼續要以大減價來清庫存，同時狠心地全年關241間舖，不過，同店銷售和營業利潤就搞到錄得負數，都算是五年來表現最差的一次。
今次轉換logo，除了在facebook講過吓之外，管理層是以絕對低調來形容，Samantha想猜度一吓心思，用一篇從心理學解讀logo的文章作依據，今次Baleno採用紅底白字，紅色代表興奮，有活力，與之前追求平衡、中性的黑底，同埋信任、可靠的藍底，是完全唔同。
在這個師奶都去Uniqlo掃平貨，以及淘寶佳麗三千的年代，單以賣實惠、質料好的Baleno，確實要盡快想出一條出路，唔來個徹徹底底的改革，就算再請劉華代言，亦未必幫到忙！
Samantha
本欄逢周一、三、五刊出
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24