【食客反應】
韓廚麵半數員工屬年輕釋囚，食客普遍讚揚他們服務水準不俗，亦不介意他們的過去，釋囚獲得鼓舞，相信有助重投社會。
捧場客陳小姐表示，最初因同事介紹，得知韓廚麵由社企經營，遂專程前來，先後光顧了三次，「一入去見到啲裝修好靚，睇埋餐牌同員工衣着，以為自己去咗韓國」。她最愛食招牌韓廚麵，認為麵條彈牙，湯底夠清甜，但令她繼續捧場是員工服務夠盡力、有活力。
曾在韓國居住的袁先生稱，店內食物跟韓國相若，最欣賞是沙冰做湯底的冷麵。他亦稱讚員工服務較一般食肆更勝一籌，「lunch最繁忙時段，他們跑來跑去，落單好快，有人倒瀉水，他們會即刻清潔」。在附近上班的陳先生亦指，「有次我跌咗筷子落地，侍應即刻過來執，好幫手」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange