之前公開出櫃嘅梁梓禧（前名梁奕倫 Roland），日前同茜利妹去日本拍攝nowTV節目《攣直後援會》特別版，當然去東京有特別任務啦，就係訪問近期熱爆嘅拓也哥嘞，加上今次係拓也哥第一次亮相香港電視台，兩位主持梗係唔只同拓也哥齋坐傾偈咁簡單！
同茜利妹較量
Roland同茜利妹一到埗就直闖拓也哥嘅酒吧玩口技遊戲，先由茜利妹出戰拓也哥鬥脷長，佢哋用脷尖掂骰仔吸嚟比較條脷嘅長度，結果拓也哥遠遠拋離茜利妹足足一吋，贏晒。
被鋪藏性用具
之後再由Roland同拓也哥一齊食麵，兩個要鬥邊個嫃得最大聲，口技出晒名嘅拓也哥當然輕易贏咗Roland。喺大懲罰環節，Roland要同拓也哥含住食一條蛋卷，食到最後梗係嘴對嘴，佢哋仲要維持咀嘴動作接近5秒，Roland笑話：「呢短短5秒，我已經完全感受到拓也哥嘅強勁吸啜力。」
傾偈時拓也哥大爆心事：「我很喜歡Roland這類型有鬚、皮膚黑黑實實嘅男仔。」結果當攝裝隊去拓也哥新居拍攝時，Roland仲坐喺拓也哥單車尾，仲緊緊攬住拓也哥個肚腩，等佢哋喺呢幾分鐘可以溫馨一吓。而鬼馬嘅拓也哥又將一支性用品收埋喺被鋪內，訪問間突然打開被鋪，嚇所有人一跳。
版主：陳基征
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！