西九一哥連納智做咗一年半有多，佢同八方講真係怕咗香港嘅極端天氣，前年佢初嚟香港時，暑期嗰陣成日都好好天氣，一個星期可以有幾日去游水，但到咗今年個暑假，日日都唔好天，成個暑假只係游咗幾次水，氣候差異可以咁大都咪話唔驚。佢又話，西九之前塊地畀人搞演唱會，已經因為連場大雨，個場滿地泥濘，佢仲好記得呢個咁恐怖嘅場景，所以好希望盡快做好基礎建設搞好去水，等市民日後用得開心。佢老哥再三重申未開始同董事局傾續約，又話冇扭計要加人工，因為嚟緊呢幾個月都忙緊，傾續約太早喇。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange