金融大鱷索羅斯前排再婚，不過佢前妻Susan Weber Soros就冇咁開心，賣樓係咁俾人壓價！舊年佢將一個位於紐約曼克頓嘅單位，以5,000萬美元放盤，點知無人問津，唯有減價減到4,500萬美元；最新更以3,900萬美元放售，即係前後減咗1,100萬美元，減幅達22%呀，陰公豬！
呢個單位位於上西城一幢大廈，面積6,000平方呎，包括有5間房、5個浴室、兩個露台，仲有冥想室，重點係望住中央公園，夠晒開揚。不過可能一開始Susan叫價太貴，結果咁耐都未賣得出，前兩個月封盤，早排先減價再放盤。
索羅斯同Susan喺2005年離婚，翌年Susan以2,500萬美元買入單位，花咗500萬美元裝修，見兩個仔都大晒，準備搬去第二度住，單位嘅傢俬都會一齊賣。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange