有睇開nowTV嘅觀眾，一定聽過半山普慶坊嘅餐廳兼烹飪學校Corner Kitchen。呢間烹飪節目《煮角》取景嘅地舖，已經悄悄搬遷，惹嚟街坊網民一陣揣測。事關Corner Kitchen原址喺普慶坊20號，剛好黐住政府計劃起扶手電梯嘅磅巷，有磅巷關注組成員猜測，會唔會係電梯效應，租金飆升逼走Corner Kitchen？
八方查過普慶坊20號嘅交易紀錄，發現Corner Kitchen原來係光榮搬遷，因為Corner Kitchen嘅主人兼靚女廚神侯麗清（Vivian），3年前以750萬買入呢個舖位，上年年尾以1,380萬轉手，喪賺84%（630萬元）。八方發現，有地產代理喺網站幫新業主叫價，800呎賣3,200萬；如果賣得成，Vivian會唔會呻笨呢？
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24