近朱者赤、近墨者黑，估唔到近得多大話王，都會受影響信口雌黃。講緊邊個？咪就係政務司司長林鄭月娥囉！話說大話特首狼振英上任後，講大話事迹一籮籮，由隱瞞僭建到選舉承諾走晒數，誠信破晒產，但林鄭噚日喺電台節目中，竟然大讚狼英喺貧窮線問題上「非常誠實」，挑起唔少網民憤慨，留言大鬧林鄭揞住良心講嘢，話佢同狼英半斤八両。
網民︰世上還有騙子嗎？
日前政府推出貧窮線後，狼英率先申明，滅貧唔係政府政策目標，亦唔可能完全滅貧，結果被外界批評佢冇決心解決貧窮問題。但狼英選舉特首時，擺明硬sell脫貧問題，爭取市民歡心，𠵱家想唔認數，市民梗係㷫到爆，點知餘怒未消，身兼扶貧委員會主席嘅林鄭噚日上電台，竟然撐狼英呢番說話「用字準繩，非常誠實」。
嘩，就算狼英唔想再呃人，「非常誠實」呢四粒字，用喺佢身上確實好諷刺，唔少網民即刻列舉狼英過往大話實錄，鬧林鄭知唔知「誠實」點解，做乜嘢學狼英講大話？網民Ricky Li話呀，「林鄭你都好誠實，因為你不知羞恥為何物」；Hui Ja更狠批林鄭為了求榮，出賣自己良心：「如果689算誠實，世界上還有騙子嗎？」
狼英「誠實」語錄
‧「唔做（特首）……N屆嘅答案都一樣。」
‧「我唔係共產黨員。」
‧「你肯講，我肯聽。」
‧「記憶中，我冇講過話我冇僭建。」
‧「我一向尊重言論及新聞自由。」
李八方
mailto:[email protected]
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24