創意到底搵唔搵到食？這個命題，對香港人來說，可能否定居多。特別是喺香港做時裝的，幾多個自家品牌能夠衝出亞洲，特別是當你見到其他著名設計師，經常轉地盤、受盡大集團青睞，總會有多少牙癢癢。憑藉大膽設計的愛爾蘭年輕設計師J.W. Anderson（Jonathan William Anderson），13年春夏季玩完男裝See-through，今季索性連女士的Ruffle連身裙都用上，最新動向是被無寶不落的LVMH睇中，將主理西班牙皮革品牌Loewe。嚟緊有咩石破天驚的設計就未知，不過對銳意走革新年輕之路的Loewe及時裝迷來說，總教人期待。
新情講完，不如講舊愛。如膠似漆的情侶都會有緣盡的時候，更何況關係只建築於金錢的生意夥伴呢？最近突然爆出Louis Vuitton的創意總監Marc Jacobs將不再續約的消息。早在今年中已開始傳出雙方不再續約的消息，更有傳Coach有意向小馬哥招手。雖然雙方未有證實，但不少時裝友已經不斷推測下個新接手者是與LV執行副總裁私交甚篤的Nicolas Ghesquiere。即使情已逝，Marc Jacobs自1997年上位後為LV在市場重新定位，改變印象，為老牌賺了口碑及收入。如果消息屬實的話，Marc迷就要盡快進貢。
（8100 1182）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange