啱啱喺性別大賽贏咗塞爾維亞「1哥」迪祖高域嘅中國「1姐」李娜（右），周日喺自己地頭舉行嘅中國網球公開賽首圈，面對斯洛伐克靚女球手韓迪卓娃，以兩盤6:0、6:4贏波晉級；呢場波娜姐主動攻擊，加埋喺發球方面亦發揮得好，成為贏波關鍵。娜姐之前對住表現一向冷靜嘅韓迪卓娃，輸多贏少，但今次靠主場之利，成功擊敗剋星。至於另一位斯洛伐克美女施寶高娃亦喺首圈出局，以直落兩盤不敵美國球手姬絲；而細威同埋拉雲絲卡都晉級第2圈。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24