【海難一周年】
【記者鄭啟源報道】去年十．一的維港煙火成了催命符，39人乘坐港燈南丫四號觀賞煙花不幸撞船喪命。一年將近過去，失責的海事處、港九小輪、港燈以至兩船船長尚未承擔事故責任。死難者家屬承受着悲痛，在海難痛失新婚兩周女兒劉文麗及女婿林嘉敏的劉太，每想起兩名親人離世，淚水一次又一次流下，亦自責無法為家人討回公道，「我乜嘢都唔想要，我淨係想要番個女同女婿」。
每次談起女兒，劉太都讚不絕口，「個女好乖，由細到大我都唔使鬧佢」。猶記得當年女兒準備到英國升學，劉太千叮萬囑女兒︰「唔好去識鬼仔，怕佢嫁得遠。」女兒不僅「拍心口」答應，為怕母親擔心，出發前更帶男友到家中「見家長」，那一次就是劉太初遇女婿林嘉敏。到女兒學成回港後，兩人終結束愛情長跑結為夫婦，豈料一場海難，新婚兩周的鴛鴦便雙雙葬身怒海。
時間帶不走對親人的思念，劉太說，剛過去的中秋節是女兒及女婿農曆死忌，她經營的豆漿店當日索性關門不做生意，「我成日都喺度諗，如果唔係成日掛住開舖，嗰日成家人一齊食餐飯，個女可能都唔使死」。女兒與女婿新婚後跟劉太同住，怕睹物思人，家人已將兩人物品收起，但傷心感覺揮之不去，「我盡量控制，雙眼已喊到睇嘢模糊，醫生同朋友都勸我，但係一提起眼淚係咁流」。
劉太指至今仍無法面對兩名親人離世，「我只係一直用工作去逃避」。親家的情況比她更嚴重，在剛過去的忌日，親家林太更擬跳樓，幸得家人制止，不致再生悲劇。劉家與其他海難家屬，過去一年找過律師、見過高官，要為親人討回公道，惟未有進展。
「想快啲攞番個公道」
劉太說，每次想起事件未解決，腦海又浮現出當日種種片段，「阿女上船前仲打過畀我，點知俾人害成咁，我乜都做唔到」。她指犯錯的船長必須受法律制裁，又批評政府的處理態度最令家屬失望，調查越拖越長，家屬的創傷越深，「（官員）不斷挑起條刺，根本唔明白家屬感受，淨係識玩程序」。
現時多個海難死難者家庭正申請法援，追究海事處、港九小輪及港燈等各方責任。劉太一家不符法援申請資格，正為如何追究責任感頭痛，有待與律師商討下一步對策，「我唔係要乜嘢賠償，想快啲攞番個公道，了咗件心事，唔想再喊」。
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24