【本報訊】和平佔中尚在商討階段，已引來北京及左派炮轟抹黑，知名漫畫家尊子在港台《香港家書》中，揶揄那些指佔中會令香港經濟損失的人，不如叫政府關閉天文台，「冇得宣佈打工仔唔使返工， 大家一年賺多幾百億」；又稱港人不能抱住「唔關我事」心態、期望有「香港艾未未」為自己發聲，應該站出來參加佔中爭普選。
「食杯麵」比喻動員效果
平日多畫畫的尊子，罕有寫文章以其嬉笑怒罵方式撐佔中，指過去半年不斷有人在報章雜誌攻擊佔中，「狂鬧『佔中』，話佢邪惡，話佢亂港，話佢『暴民』，話佢害人害物，又話佔中一日，會令香港人每日損失十六億。嘩，十六億喎！每日喎！」尊子揶揄這些人，不如叫政府「『執』咗天文台」，「等佢冇得掛八號風球，冇得宣佈打工仔唔使返工，大家一年賺多幾百億，仲可以拉開香港同上海嘅距離，唔使成日俾上海威脅我哋。」
有社運界人士曾指佔中商討日太長，不利發動群眾，尊子不大認同。他指「死唔斷氣嘅商討日」其實是一場「嘴巴遊行」：「呢個『嘴巴』遊行，冇向警察申請『不反對通知書』，警察冇得用鐵馬封路，冇得出蠱惑『截人龍』，冇得出動胡椒噴霧……」
他認為不要小看「嘴巴遊行」產生的累積動員效果，以「食杯麵」做例子，「如果每晚臨瞓前食一個，保證你一年後要買過晒啲褲，細碼轉大碼，大碼轉加大碼，加大碼轉被袋──腰圍大到買唔到褲」。
港人不能再「唔關我事」
尊子又戲言曾期望有「香港艾未未」為港人發聲，「點知我等呀等……等呀等，等極都冇嘅喂！唔對路喎，所以不如自己行出來，否則隨時連渣都冇」。
他認為港人不能再抱「唓，都唔關我事嘅」心態，應該像他一樣站出來支持佔中。
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24