早前有指周慧敏將開設經理人公司準備簽新人，Vivian對此笑指是美麗的誤會，她暫沒簽新人的打算：「我的確喺7月開設工作室，主要原因係同我合作多年嘅經理人柯志輝年初過咗身，而Lorraine喺《天荒愛未老》時已經有幫手，對我有一定程度熟悉，加上我返嚟香港首個活動出《我的貓兒子周慧豹》時就友情客串幫手，之後我開演唱會，佢又主動獻身幫手，加上𠵱家基仔（古巨基）有公司照顧，Lorraine有更多時間，係適合人選。」
報道出街後，Vivian、Lorraine及公司收到多不勝數的人自薦成為旗下藝人，但Vivian澄清：「公司暫時未有計劃簽新人，暫時業務都係安排我日常工作，而公司首個重要項目係我推出福音碟，現時喺收歌階段，但冇定下時間表，一切都係跟隨祂嘅指示而做。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！