【本報訊】科技大學今午首辦家長日，料有逾3,000學生和家長出席。該校昨先舉行本科入學資訊日，逾3萬名參觀者中，除高中生外，有不少「直升機」家長攜子女到場，甚至代子女搜集入學資料。有家長直言若這時不幫子女一把，恐輸在大學門前，已預先請假，進擊餘下七間院校的資訊日。
記者：倪清江
科大昨安排超過60個入學資訊及課程講座，以及20個實驗室導覽活動，並開放宿舍和康體設施等予家長和學生參觀。其餘院校將在接着的周末舉行資訊日，最後是港大。
參觀者主要是中五和中六學生，多由家長陪同。中六家長區先生不諱言不放心女兒獨自到場，「一齊幫吓手。如果今日唔幫佢，可能入大學機會都冇，將來輸蝕好多。」家長羅太與讀國際教育文憑（IB）預科的女兒Tiffany到科大，「想知道入學資訊，唔使等佢聽完返嚟話番我知」；Tiffany也表贊同，「媽咪嚟幫手聽埋，唔怕甩甩漏漏。」
「呢一代冇咁獨立」
中五家長鄧先生代兒子來取經，「佢要參加學校活動綵排，我咪幫佢嚟睇。」從事物業管理的利先生與太太到科大，讀中六獨子則與同學另行參觀，「我已攞晒假，跟住個個星期六去埋其他院校。自己緊張啲，覺得呢一代冇咁獨立。」他說明年兒子上大學，不會成為送他上學的「直升機」家長。
多名受訪學生則稱，父母沒有提出一同到科大，屯門天主教中學范同學十分抗拒家長這樣做，「如果嚟咗佢哋會叫我不停睇，睇好耐。」元朗中五女生陳同學認為升大學應由自己處理。
「家長日」考慮改名
逾千名科大學生的家長早前簽署家長日回條，表示今日會出席首次家長日，校方料參加人數逾3,000人。教務長譚嘉因昨強調與中小學家長日不同，「中小學係阿爸阿媽同個學生見老師，講成績或進展，呢樣嘢我哋係唔會做。」他說日後會續辦這類活動，考慮不用「家長日」字眼。
參觀者心聲
利先生【中六家長】︰
「個仔會同同學入嚟，我又嚟睇，希望大家有唔同角度，第日提供唔同揀科策略。」
陳小姐【中五學生】︰
「自己嚟呀，自己人生大事，梗係自己一手一腳去做。仲要爸媽跟住，會影響獨立成長。」
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24