前日第15集《神鎗狙擊》，繼續超現實，徐子珊繼續炸唔死，謝天華繼續屈機。
故事講到某個獨裁國家總統嚟到香港出席個女嘅大學畢業禮，睇到呢度大家都應該知道係參考多年前津巴布韋獨裁者穆加貝去城大出席個女嘅畢業禮呢位事，不過都唔緊要，總之又係要搵警察同飛虎隊保護啦，雖然TVB求其搵個地方扮大學畢業禮，Hea到爆仲衰過中學畢業禮。
然後班警察竟然又放咗扮菜販嘅謝天華入嚟，跟住張兆輝就發現天華架車好有可疑，於是一鎗開過去，屈機嘅天華眉毛也不動一下就避過，極似Matrix，然後又到天華開鎗，張兆輝又係郁一郁個身，再次避過。
最勁嘅係天華想射總統一家時，呢位總統成家人個身傾一傾後，就避過粒子彈。吓?原來佢哋係隱世高手?咁仲要飛虎隊嚟做咩呢?
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！