霍啟剛昨日以大型體育活動事務委員會委員身份，聯同蒙嘉慧（YoYo）到長沙灣一中學，出席港台節目《體育的風采——運動場成長路》啟播禮。啟剛與郭晶晶的兒子昨日滿月，啟剛表示沒有特別慶祝，他說：「噚日返屋企同嫲嫲食飯，爸爸去咗北京工作。」
啟剛透露未有計劃設百日宴，預期不會大搞，他說：「湊仔有啲進步，開頭唔識，又唔敢上學習班，都係返屋企睇書。」啟剛謂晶晶半夜及晨早也要起身餵人奶，非常辛苦，故給太太100分，他說：「晶晶身體幾好，可能佢係運動員出身，幾個禮拜已經回復得唔錯，坐完月冇乜大問題。出街理論上可以，但好忙要餵奶。」
YoYo：我副偈唔掂
啟剛訴苦很期待自由自在去旅行的日子，他說：「𠵱家要帶一包二包，都係等佢大啲先去。」啟剛表示媽媽朱玲玲送了一部相機給他，啟剛說：「或者佢想我分擔工作。」
另外，YoYo表示最近找了杜汶澤的健身教練協助，她說：「教練話我副偈唔掂，冇阿澤咁叻。」
採訪：張俊銘
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！