區文詩昨日同王貽興喺柴灣為nowTV主持節目《出軌UNFAITHFUL》，區文詩話喺節目中，會講下自己嘅出軌經驗，又會大爆朋友嘅經歷。不過佢講嘅朋友，都係同學或者屋企人，所以各位圈中好友大可放心！
對於有指麥貝夷個樣有80%同區文詩相似，佢話好多人認為吳雨霏、何紫綸同佢都好相似：「有次陳奐仁以為麥貝夷係我，係咁同佢傾偈，我都有同麥貝夷講，不如睇下有冇乜嘢可以合作。」
提到早前同唱片公司鬧翻，區文詩透露現時同唱片公司傾緊可否提前解約，解約後會考慮自由身。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！