著名漫畫家黃玉郎除了臉上的「二撇雞」，說話緩慢淡淡定定也是其特色。入行50年，縱然他辛苦建立的漫畫王國風雨飄搖，憑其淡定性格見招拆招，多年來仍屹立不倒。從事同一行業半個世紀，非常困難兼難得，但他仍未言退：「漫畫係我興趣，興趣係永遠冇退嘅一日。」
撰文：文國駿
當閣下走進將軍澳東港城，必定會被一張張熟識面孔吸引，因現正舉辦「香港漫畫傳奇：黃玉郎50周年殿堂展」，展出《小流氓》漫畫手稿、首辦公仔及一比一兵器，向縱橫本地漫畫壇50年的黃玉郎致敬。同場加映日本殿堂級漫畫家、《小甜甜》作者五十嵐優美子親自操刀設計的紀念版tee。
望交叉小甜甜
港、日兩位殿堂級漫畫家的作品，於同一場地作出一次另類「中日交流」。黃玉郎日前接受本報訪問，提到對五十嵐優美子及《小甜甜》的印象時說：「我從事呢個行業，我當然好留意日本嘅漫畫，其實𠵱家日本漫畫入面女主角嘅形象，唔多唔少都有小甜甜嘅影子，都係眼大大。」
黃玉郎的《小流氓》、《龍虎門》熱血沸騰，主攻男人市場，女性讀者少之又少，與《小甜甜》這少女漫畫風格可謂南轅北轍，他笑言：「我嗰時冇特別計劃想畫個咁靚嘅女主角，香港漫畫讀者群男女之比達到八比二，所以寧願專心度好故事同打鬥場面。」可渴望與五十嵐優美子來個漫畫上的crossover，例如角色互入對方時空？他坦言：「大家分別係港、日兩地著名漫畫家，若果有機會當然想合作啦！只不過希望係新題材，如果唔同時空亂入，太科幻。」談到香港另一著名漫畫家馬榮成完結《風雲》，黃玉郎謂：「我諗佢唔會真係封筆，係可能唔畫嗰類型漫畫，但一有其他創作念頭湧現，我相信佢都會再畫。」
粉絲贈舊連載
談到入行50周年展覽會，黃玉郎表示與讀者分享《龍虎門》、《神兵玄奇》等經典作的重要展品，包括很受歡迎的首辦公仔兵器及價值不菲的報紙等，是最大喜悅，他說：「好多人問我入行50周年會點慶祝，對我嚟講冇乜特別，都係繼續做多啲自己鍾意，又畀到讀者新鮮感嘅創作。有fans將好耐以前我喺報紙畫嘅連載剪番畀我，呢種喜悅有錢都買唔到。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！