立法會議員頻頻出招要求政府減辣，但原來有好多人願意畀多啲稅都要賣樓。國泰航空（293，圖）澳洲籍機師Michael舊年3月以588萬元，買入東涌藍天海岸一個三房單位自住，唔夠兩年，佢就沽貨，仲要被買家不斷壓價，新近以683.8萬元賣出，扣除額外印花稅約34萬元，實際袋60萬元左右。
《衝上雲霄II》入面，Sam哥住喺愉景灣，去機場返工夠晒方便，現實生活中，除咗愉景灣，部份機師都會住東涌。聽聞，國泰呢位機師近年來港，舊年置業，見樓市淡靜，寧願先行沽出單位套現，用公司提供嘅租金津貼，老遠走去跑馬地租樓住，順便轉換居住環境。
Michael原先叫價720萬元，不斷被買家壓價，壓到683.8萬元，減足5%成交。
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24