中央一聲令下，話要打擊三公消費，官員與企業高層即刻冇得繼續豪飲豪食，內地高檔餐飲業首當其衝。
為捱過寒冬，小南國（3666）準備開闢多一條中產家庭新戰線，叫做「小小南國」。
呢個名，話易記又得，話求其都得，肯定嘅係，將來約人去呢度食飯就要講清楚，講少一個「小」字就麻煩。
小南國投資者關係高級總監黃琬儀解釋，呢個名唔係佢哋亂咁改，內地人對新品牌嘅接受能力，唔及香港人咁高，叫小小南國就比較易認，肯定知道同小南國有關。
小小南國將於明年初喺上海開業，logo用黑白色，員工制服、店舖裝修都唔會有小南國嘅影子；食物主打上海菜同點心，唔會有貴價海鮮，人均消費大概150蚊人仔。黃琬儀話，新餐廳只喺上海試業，冇咁快考慮在港開業。
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24