諸事不順時，總有人怨天怨地，但最終能夠擺脫困境未必是這批人。
OEM廠佬呻完金融海嘯生意難做，近年再呻內地人工、物價飛漲，若能夠早着先機，改在新興市場插旗，就能成為最先擺脫窘境的企業，鞋商信星（1170）是表表者。
信星輸得最甘的一役已是2012年倒退55%，都仲係賺緊5,000幾萬，去年受惠於越南和柬埔寨生產線效率提升，對大陸依賴度減少，毛利率仲能夠升2.2個百分點至16.5%，成為少數能夠發盈喜的工業股，全年多賺74%至接近9,397萬元。
做好自己之餘，最好當然係泊啱個碼頭啦，其主要嘅大客來自Skechers、Clarks、New Balance等，若果體育用品復蘇，他們絕對是先頭部隊。
另一方面，信星亦是半隻BB股，推出高檔自家童鞋品牌Fiona's Prince，由生產到銷售一條龍，更重要是，他們近月在自家網站，淘寶等平台賣童鞋，有模有樣！
靚股就自然多人追，信星股價本年至今升幅逾六成，但信星6月公佈成績表後作出逾15次回購，最近是9月中，升勢應未止，可趁近日回調後吸納。
Samantha
本欄逢周一、三、五刊出
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24