早排講過，莎莎（178）CFO陸楷經常行使認股權，然後沽貨套現當收花紅，有心水清嘅股民就從港交所（388）網站資料發現，陸楷喺6月18日增持250萬股，莎莎隨後喺20日公佈業績，質疑陸楷喺緘默期偷步買賣股份。不過，呢件事應該係一場誤會。
上市公司公佈業績前係有董事緘默期，但《上市規則》附錄十亦列明豁免情況，其中一項，就係可以用指定價格去行使認股權。
以陸楷為例，佢6月18日增持，其實係行使一批2012年發畀佢嘅認股權，行使價1.095元，佢只可以用呢個價去換股。換股後，陸楷喺莎莎嘅持股量冇變，表示佢冇立即沽貨套現，唔算犯例。
雖然只係誤會一場，但呢件事反映股民越來越精明，只係未熟讀《上市規則》箒，華華都因為呢件事學多樣嘢。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange